Presidenti turk, Recep Tayyip Erdogan ka deklaruar se ushtria turke po kryen  operacione kundër rebelëve të cilët konsiderohen “terroristë” në Irak.

Në lidhje me deklaratën e tij ka reaguar Bagdadi zyrtar, i cili ka theksuar se nuk do të rrijë duarkryq në rast të ndonjë veprimi nga ana e Turqisë, transmeton portali arbresh.info

Erdogan ka shtuar se “operacionet” në Sinjar kanë filluar me evakuuimin e zonës malore të luftëtarëve të PKK-së.

Sinjari është një pikë e rëndësishme strategjike për Turqinë, sepse kufizohet në veri-perëndim nga territory sirian i kontrolluar nga qeveria siriane.

Një bazë ushtarake turke ndodhet pranë qytetit dhe me kontrollin e saj të Sinjarit, Turqia do t’i ndalojë kurdët nga korridori sirian-irakian.

Sipas burimeve ushtarake në Irakun e veriut, numri i luftëtarëve të PKK në rajon është rreth dy mijë luftëtarë.

PKK ka kryer një kryengritje në territorin turk që nga viti 1984, ku kanë mbetur të vrarë më shumë se 40 mijë njerëz.

Ankaraja dhe aleatët e saj e përshkruajnë PKK-në si “organizatë terroriste”./arbresh.info/